شروط الاستخدام وسياسة الخصوصية

قِرْيِة الرياضة والتَّسْلِية حيفا م.ض، رقم الشركة 515137131 ("الشِّرْكِة") بْتِشْكُرْكُم على إختياركُم تِفُوتُوا وتِتْصَفَّحُوا في موقع الإنترنت "إستاد سامي عوفر" اللي بِيِشْتَغِلْ على العنوان www.haifa-stadium.co.il ("الموقع").

إستاد سامي عوفر في حيفا هُوَّ مَلْعَب كُرَة قَدَمْ، بْتِسِيرْ فيه مجموعة من العروض الثقافية، التَّسْلِية والمباريات ("الإستاد"). بالإضافة، مناطق الـ VIP اللي موجودة في المدرَّج الغربي للإستاد بْتِنْفَعْ لإقامة فعاليات لأشخاص خصوصيّين (خُوَاصّ)، زيّ أعراس، حفلات طُهُور (ختان)، بار وبات ميتسفا، وكمان مؤتمرات وفعاليات شركات لشركات وهيئات، مَعَارِض، إجتماعات، إطلاق ماركات جديدة وغيرها ("الفعاليات").

الموقع بِيْسْمَحْ شِرَا تَذَاكِر لجولات في الإستاد وجولات خاصة لَمَجْمُوعَاتْ مْنَظَّمِة ("الجولات")، وكمان حِجِزْ وتَثْبِيت الإستاد لفعاليات مختلفة ("حجز الفعاليات"). الجولات وحجز الفعاليات راح نْسَمّيهُم هون مَعْ بَعَضْ – "الخدمات". بالإضافة، مُمْكِنْ نِشْتِرِي في الموقع مجموعة مُنَوَّعَة من منتجات عليها شِعَار  الإستاد، زيّ لَفْحَات، بْلايِز وغيرو ("المنتجات").

وكمان، مُمْكِنْ نِلَاقِي في الموقع معلومات عن الخدمات، الجولات، نشاطات الإستاد، غاليري (ألبوم) صُوَرْ، طُرُق الوُصول للإستاد، طاقَم الإستاد، خريطة الإستاد، جدول مباريات كُرَة القَدَم وغيرو.

• إستعمال الموقع:

1. هاد التَّقْنُون وشروط الإستعمال هُمَّ إتفاقيّة مُلْزِمَة بينك، سواء بشكل خُصُوصِي (شخصي) أو عن طريق شركة ("إنتَ") وبين الشِّرْكِة بخصوص التَّصَفُّح والإستعمال في الموقع عن طريق أيّ حاسوب أو جهاز إتصال تاني زيّ تليفون سِلُولَارِي (نقّال)، حاسوب لوحي (تابلت) وإلى آخرو. وكمان هُمَّ بِيْسْرُوا على الإستعمال في الموقع و/أو في مواقع إِلْهَا عَلاقَة عن طريق تطبيق (أبليكيشن) أو أيّ وسيلة ثانية. إقرا التَّقْنُون وشروط الإستعمال مِنِيح، لأنه التَّصَفُّح في الموقع وعَمَلْيّات فيه بتدلّ على موافقتك للشروط الموجودة في هاد التَّقْنُون وشروط الإستعمال ("التَّقْنُون").
2. المكتوب في التَّقْنُون بِيْنْطَبِق بشكل مُتَسَاوِي على الجنسين، وإستعمال لغة المذكّر و/أو المؤنث هُوَّ عشان السُّهُولة بس.
3. التَّصَفُّح في الموقع مَسْمُوح في كل الأعمار. الشِّرَا في الموقع مْخَصَّص لأصحاب أهْلِيّة قانونية من جِيلْ 18 وفوق بس. شِراء مِن قاصِر تحت جِيلْ 18 في الموقع بِيْطْلَبْ موافقة الوالِد أو الوَصِيّ.
4. بشكل عام، التَّصَفُّح في الموقع والتفتيش فيه ما بِيْطْلَبُوشْ تسجيل، وهُوَّ مَفْتُوح لَكُلّ مُتَصَفِّح. بدون ما نِنْقُصْ من المكتوب قَبِلْ، الشِّرْكِة بتحافِظْ على حَقَّها إنها تِمْنَع مُتَصَفِّح اللي ما سَجَّلْشْ في الموقع من الوُصول لَخَدَمَاتْ مُعَيَّنِة في الموقع، لأيّ سبب أو تَعْلِيل هُوَّ، حَسَبْ رَأْيْهَا الخَاصّ، وبدون ما تِحتَاجْ لَإِعْلَانْ مُسْبَقْ أو تَنْبِيهْ، وبدون ما تكون مسؤولة عن أيّ ضَرَرْ بسبب قرارها.
5. في حال تَقَرَّرْ إنو بَنْد في هاد التَّقْنُون ما بِيْزْبَطْ يِتْطَبَّق أو إنو مالهوشْ مَفْعُولْ لأيّ سبب هُوَّ، هاد ما بِيْأَثِّرْشْ وما بِيْضُرِّشْ بِقَانُونِيِّة وصِحِّة وتطبيق باقي البُنُود في التَّقْنُون.

تصريحات المُستخدِم:

1. وقت التصفح في الموقع، إنت بتتعهد وبتصرح هيك: (1) التصفح في الموقع والإستعمال هو على مسؤوليتك الخاصة (بس)؛ (2) التفاصيل اللي عبّيتها وقت ما تركت التفاصيل و/أو الشرا في الموقع هي صحيحة، مُحَدَّثَة، دقيقة وكاملة؛ (3) إذا كان في حاجة، في حال صار تغيير بالتفاصيل لازم تحدّثهم عن طريق توجّه للموقع؛ (4) إنت عندك أهليّة قانونية وإنت بتوافق على شروط التَّقْنُون؛ (5) ما رح تستعمل الموقع بوسائل أوتوماتيكية أو مش بشرية، سواء عن طريق BOT، سكريبت أو بأيّ طريقة ثانية؛ (6) ما رح تستعمل الموقع بشكل مش قانوني؛ (7) إستعمالك للموقع ما راح يخالف أيّ قانون أو نظام ساري.
2. الشِّرْكِة مسموح لها، تمنع أيّ مُتَصَفِّح يستعمل الموقع حسب رأيها المُطْلَق. بدون ما نِنْقُصْ من اللي انكتب فوق، الشِّرْكِة مسموح لها تِحْجُب الوُصول للموقع أو جزء منه إذا وقت ما تركتوا التفاصيل و/أو الشِّرَا في الموقع انْعَطَتْ قصداً تفاصيل غلط، مش مُحَدَّثَة أو مش كاملة.

إذن للمُراسَلَة، منشورات ودعايات:

1. 1.  

1. 1.  

• شروط الإستعمال وتقديم الخدمة:

1. الخدمات رح تتقدم بالإستاد، حسب العنوان المكتوب بآخر التَّقْنُون، بالوقت اللي رح ينكتب بالحجز وقت الشِّرا.
2. الخدمة رح تنعطى بس بشرط إنك تفرجي إثبات مناسب بالإستاد وقت الوصول للجولة.
3. كل شِرا لجولة هو لاستعمال مرة وحدة، وما بينفع نستعمله أكثر من مرة. إثبات شِرا جولة خربان و/أو مزوّر مش رح ينقبل.
4. لازم توصلوا للجولة قبل بـ 10 دقايق من وقت بداية الجولة. الزبون اللي بيتأخر عالجولة ما رح يطلع له ترجيع مصاري أو موعد جولة بديل، وما رح يكون إله أي ادعاء و/أو طلب و/أو دعوى ضد الشركة عشان اللي انكتب فوق.
5. الشركة مسموح لها تلغي و/أو تغير مواعيد الجولات لأي سبب كان، مع خبر مسبق للي اشتروا لوسيلة الاتصال اللي عبّوها وقت الحجز بالموقع. بحال الشركة لغت الجولة، الشركة بترجّع مبلغ الدفع تبع الجولة لوسيلة الدفع اللي دفع فيها المشتري.
6. تقديم الخدمات رح يكون ممكن حسب رأي الشركة الخاص، والشركة مش رح تكون مسؤولة عن أي تأخير و/أو تعطيل بتقديم الخدمة و/أو عدم تقديم الخدمة، نتيجة لـ "قوة قاهرة" (كُوح عِلْيون) و/أو أطراف ثالثة و/أو خلل تقني و/أو من أحداث مش تحت سيطرتها، بما في ذلك حرب، إضراب أو تعطيل، أعمال تخريب، تشويشات للنظام العام، عمل أو تقصير من طرف ثالث أو تحديدات انفرضت من قبله، قوانين، أنظمة، أوامر أو تعليمات حكومية ثانية، تحديدات أمنية، وباء، إغلاق (سيجر)، ظروف الطقس أو ظروف ثانية مش تحت سيطرتها.
7. وقت القعدة بالإستاد لازم تتصرفوا حسب قواعد التصرف المعروضة بـ "تَقْنُون الإستاد" المنشور بالموقع. الزبون اللي بخالف قواعد تَقْنُون الإستاد رح ينطرد من الإستاد، والشركة مسموح لها توقّف و/أو تمنع دخوله و/أو وصوله للإستاد فوراً. الشركة بتحفظ لحالها الحق إنها تغير قواعد تَقْنُون الإستاد من وقت لوقت، والزبون هو المسؤول إنه يتابع التغييرات اللي صارت بتَقْنُون الإستاد ويتصرف حسبها.

 

سياسة التوصيل (المنتجات):

1. 1. 1. الموقع رح يهتم بتوصيل الطلبية اللي انعملت بالموقع لأي محل بيتفقوا عليه الطرفين وقت عمل الطلبية بالموقع.
      2. الطلبيات رح تتجهز وتتوصل حسب الأوقات التالية:
         1. لحد ____ أيام شغل عن طريق ساعي بريد (شليح) لحد البيت؛
         2. تجميع ذاتي (إيسوف عتسمي) بتنسيق مسبق.
      3. "يوم شغل" – أيام الأحد للخميس، ما عدا أيام العطل الرسمية، عشية الأعياد والأيام اللي البنوك بإسرائيل ما بتشتغل فيها.
      4. سعر التوصيل ممكن يتحدّث من وقت لوقت حسب المكتوب وقت عمل الطلبية بالموقع.
      5. الموقع مسموح له يحدد مبلغ أدنى (مينيموم) للطلبية بالموقع.
      6. بحال كان المنتج اللي انطلب بالموقع مش موجود بالمخزون، الموقع رح يخبر اللي طلب. إذا اللي طلب ما كان متاح، الموقع رح يبعث الطلبية بدون المنتج الناقص.
      7. إذا الزبون ما كان موجود ببيته وقت وصول الساعي (الشليح)، بالساعة اللي تحددت معه مسبقاً، الطلبية رح ترجع وتنبعث مرة ثانية بعد دفع رسوم توصيل إضافية من قبل الزبون.
      8. بحال الزبون كتب بالطلبية أو بعدين إنه موافق تنترك الطلبية عند الباب أو عند جار اسمه مكتوب بالطلبية، المسؤولية الكاملة اللي بتنتج عن ترك المنتجات عند الباب أو عند الجار، زي ما انذكر، بتكون ع الزبون.
      9. توصيل الطلبيات رح يكون متاح حسب الشروط التالية:
         1. في طريق وصول معقولة لمكان الطلبية؛
         2. الموقع (بما فيه شركة التوصيل تبعته) بيوزع بنفس المنطقة؛
         3. إذا كان الحديث عن منظمة، مؤسسة، كيبوتس أو بلدة اللي ما بنفع نوصل لهم بدون تصريح خاص و/أو ما في عندهم تسجيل مرتب للشوارع و/أو أرقام البيوت، الطلبية رح تتسلم لنقطة التوزيع المركزية بنفس المكان.
      10. الموقع مش رح يكون مسؤول عن أي تأخير و/أو تعطيل بالتوصيل و/أو عدم توصيل، اللي بصير نتيجة لـ:
          1. قوة قاهرة و/أو أحداث مش تحت سيطرة الموقع؛
          2. أسباب بتخص شركة التوصيل تبعت الموقع؛
          3. إغلاق الاقتصاد (المِشِك) بشكل بضر نشاط الموقع و/أو المزودين تبعه و/أو مقدمي الخدمات تبعه، لأي سبب كان.

• سياسة التغييرات والإلغاءات:

1. 1. 1. طلب تغيير أو إلغاء صفقة لازم يوصل للشركة بوحدة من طرق الاتصال الموجودة بأسفل التَّقْنُون.
      2. إلغاء الصفقة وترجيع المصاري ممكن لحد 14 يوم من يوم الشِّرا، وبشرط إنه في 7 أيام مش أيام راحة قبل موعد الخدمة. بحال صار إلغاء هيك، الزبون بدفع رسوم إلغاء بقيمة 100 شيكل أو 5% من سعر كل خدمة بالطلبية، حسب الأقل بينهم.
      3. زبون مواطن كبير بالسن (فوق 65) أو صاحب إعاقة أو قادم جديد (لحد 5 سنين) مسموح له يلغي الطلبية خلال أربع شهور من وقت الشِّرا، وبشرط إنه في 7 أيام مش أيام راحة قبل موعد الخدمة، مقابل رسوم إلغاء بقيمة 100 شيكل أو 5% من كل خدمة بالطلبية، حسب الأقل بينهم. الإلغاء هاد ممكن عن طريق إبراز الشهادة المناسبة.
      4. عشان نمنع الشك، طلب إلغاء جولة مش ضمن المواعيد المذكورة فوق أو بسبب عدم وصول أو تأخير عالجولة، ما بعطي المشتري حق بترجيع مصاري بالمرة، وللمشتري ما رح يكون أي ادعاء و/أو دعوى و/أو طلب تجاه الشركة بسبب اللي انكتب فوق.
      5. ترجيع، تغيير أو إلغاء طلبية منتجات ممكن مع ترجيع مصاري أو تبديل خلال فترة لحد 14 يوم بعد ما الزبون استلم الطلبية.
      6. إذا انطلب الترجيع، التغيير أو الإلغاء بعد 14 يوم من استلام الطلبية، طلب الترجيع، التغيير أو إلغاء الصفقة بكون خاضع لرأي الموقع الخاص.
      7. بحال الترجيع، التغيير أو إلغاء منتج صار لأنه الزبون غيّر رأيه (مش بسبب عيب أو عدم ملاءمة) والموقع وافق عليه:
         1. لازم الزبون يرجّع المنتج للموقع وهو بوضعه زي ما استلمه، بدون ضرر أو عيب؛
         2. المنتج برجع مع فاتورة الصفقة أو إثبات الصفقة؛
         3. التكاليف اللي بتخص ترجيع الطلبية بتكون ع الزبون؛
         4. رح ينخصم رسوم إلغاء بقيمة 5% من مبلغ المنتج أو 100 شيكل (حسب الأقل بينهم).
      8. بحال الترجيع، التغيير أو الإلغاء صار بسبب عيب بالمنتج، المسؤولية لتجميع أو تبديل المنتج المعيوب من المكان اللي تسلم فيه، بتكون ع الموقع.
      9. المنتج اللي الزبون بقول عنه معيوب رح ينفحص من قبل الموقع. إذا بعد فحص الموقع تبيّن إنه المنتج سليم و/أو العيب صار بعد ما الزبون استلم المنتج نتيجة لاستعمال مش معقول، الزبون ما بوخذ ترجيع مصاري وبكون بإمكانه يطلب إرسال المنتج له كمان مرة بشرط دفع رسوم توصيل مرة ثانية.
      10. الإلغاء وترجيع المصاري بتوافق عليهم بعد ما الزبون يوخذه رسالة من الشركة بتأكد هالشي.
      11. كل ترجيع مصاري بصير بنفس وسيلة الدفع اللي الزبون عمل فيها الشِّرا.
      12. إلغاء حجز فعالية (إيفينت) بصير خاضع لتعليمات عقد الاتصال اللي توقّع مع الزبون وقت حجز الفعالية.
      13. اللي انكتب فوق خاضع لتعليمات إلغاء صفقة حسب تعليمات قانون حماية المستهلك، التشم"أ-1981.

• مسؤولية الموقع:

1. 1. 1. الخدمات بالموقع معروضة زي ما هي (AS IS)، وما بنقدر نلائمها لاحتياجات كل واحد وواحد. المستخدم بالموقع موافق إنه ما يكون عنده أي ادعاء، دعوى أو طلب تجاه الشركة بخصوص ميزات الخدمات، قدراتها، حدودها و/أو ملاءمتها لاحتياجاته، واستعمال الموقع رح يكون على مسؤولية المستخدم الخاصة بس.
      2. المستخدم بالموقع موافق إنه استعمال الموقع بكون على مسؤوليته الخاصة والكاملة. المحتويات المعروضة بالموقع هي للإثراء والتعليم بس، وكل حركة بتنعمل نتيجة استعمال المحتويات بتكون بمسؤولية المتصفح بس. ما لازم ينشاف بالمعلومات المعروضة أي نتيجة أو وعد معين. الشركة ما بتتعهد إنه المحتويات والخدمات المنشورة بالموقع، تكون كاملة، صحيحة، قانونية أو دقيقة أو تلائم توقعات وطلبات كل مستخدم. الشركة ما بتتحمل أي مسؤولية عن أي نتيجة بتطلع منها، أو من استعمالها، أو الاعتماد عليها، بما في ذلك: (1) غلطات، أخطاء وعدم دقة؛ (2) ضرر للجسم أو للممتلكات، من أي نوع، بصير نتيجة استعمال الموقع و/أو الشراء بالموقع؛ (3) تشويش بالدخول للموقع أو منه؛ (4) كل "باج"، فيروس، أحصنة طروادة وما شابه اللي ممكن تنتقل للموقع عن طريق أي طرف ثالث.
      3. ما لازم ينشاف بالمعلومات اللي بتظهر بالموقع أي وعد لنتيجة معينة و/أو مسؤولية عن الخدمات اللي بتنباع بالموقع. الشركة مش رح تكون مسؤولة عن أي ضرر، مباشر أو غير مباشر، اللي بصير للمتصفح نتيجة الاعتماد على معلومات بتظهر بالموقع و/أو روابط لمواقع ثانية و/أو أي مصدر معلومات داخلي و/أو خارجي ثاني و/أو استعمال الخدمات المعروضة من قبلها بالموقع.
      4. الصور المعروضة بالموقع هي للتوضيح بس. ممكن يكون في اختلافات بالشكل، باللون، بالحجم، وما شابه بين المنتج، زي ما هو معروض بالموقع، وبين المنتج اللي رح يوصل للزبون. غلطة مطبعية (خطأ كتابي) بوصف منتج و/أو سعره ما بتلزم الموقع.
      5. ما لازم نعتمد على تفاصيل أو وصف منتج بيظهر بالموقع. لازم نقرأ بتمعن المكتوب على علبة المنتج قبل استعماله، وكمان تعليمات المنتج (بما فيها الجيل الأدنى للاستعمال، طريقة استعمال المنتج، صيانة المنتج، تعليمات تحذير وأمان وغيره) والمسؤولية هي على مصنّع المنتج. الموقع مش رح يكون مسؤول عن ضرر نتيجة استعمال مش معقول للمنتجات.
      6. منتجات معينة بالموقع ممكن تسبب حساسيات. بحالات ظهور ظواهر حساسية مش مرغوبة، لازم توقيف استعمال المنتج والتوجه فوراً لطبيب.
      7. الشركة بتنصح المتصفحين بالموقع يتصرفوا كمستهلكين شاطرين وحذرين، ويقروا بتمعن المعلومات المعروضة بالموقع وبما في ذلك المعلومات بخصوص المنتج نفسه، وصفه وملاءمته، زي ما هو موصوف بالموقع.
      8. الشركة مش رح تكون مسؤولة بأي شكل تجاه مشتري الخدمة بحال انطرد من فعالية (إيفينت) بسبب عنف و/أو حيازة مواد خطيرة و/أو حيازة سلاح و/أو أي تصرف عكس تَقْنُون الإستاد و/أو لأي سبب ثاني. مشتري الخدمة ما بكون إله أي ادعاء تجاه الشركة بحال انطرد من الفعالية، وهو ما بستحق بأي شكل استرجاع المصاري اللي دفعها بالموقع و/أو أي مبلغ ثاني للشركة.
      9. للزبائن ما رح يكون أي ادعاء تجاه الشركة، مدراءها، موظفيها أو أي حدا من طرفها وهما مش رح يكونوا مسؤولين، بشكل مباشر أو غير مباشر، عن أي ضرر بما في ذلك، للجسم، للممتلكات أو أي ضرر ثاني أو أي خسارة ثانية، اللي بتصير نتيجة أخذ خدمات من الشركة، حتى لو الشركة حذرت، نصحت أو استشارت بموضوع معين أو عن خدمة معينة وبأي حال الشركة ما رح تكون بديل أو تتحمل مسؤولية الزبون. على الزبون بتقع المسؤولية وكل خطر واجب عن ضرر لممتلكاته و/أو لجسمه و/أو لممتلكات و/أو أجسام أطراف ثالثة، الناتجة عن استعمال خدمات الشركة.
      10. الشركة مش رح تكون مسؤولة عن أي ضرر (مباشر أو غير مباشر)، خسارة، زعل (عُجْمَة نِفِش) ومصاريف بتصير للمتصفحين و/أو لأطراف ثالثة أيّاً كانت نتيجة استعمال أو اعتماد على أي محتوى، معلومات، معطيات، عرض، صورة، فيديو، صوت، دعاية، منتج، خدمة وإلخ اللي بتظهر بالموقع. كل اعتماد زي ما انذكر بصير حسب رأي ومسؤولية المتصفح بالموقع الخاصة.

• سياسة الخصوصية:

1. 1. 1. الشركة بتحترم خصوصية المتصفحين والزبائن وبتشوف أهمية كبيرة بالحفاظ عليها.
      2. بالإضافة للمعلومات اللي بتسلّمها وقت تسجيلك بالموقع، الشركة بتجمع معلومات معينة عن حاسوبك، اللي عن طريقه إنت بتزور وبتعمل حركات بالموقع. المعلومات بتتجمّع بشكل أوتوماتيكي (بما في ذلك عن طريق استعمال "Cookies") وممكن تشمل عناوين IP، نوع المتصفح، أوقات التصفح والدخول للموقع، طريقة التصفح والأداة اللي بتستعملها لهدف التصفح، تفاصيل عن مزود الإنترنت تبعك وعناوين مواقع الإنترنت اللي جيت منها (المعلومات اللي تسلمت وقت التسجيل والمعلومات اللي تجمّعت من قبل الموقع زي ما انذكر بهالفقرة رح تتسمى مع بعض: "المعلومات المتجمعة بالموقع"). المعلومات المتجمعة بالموقع ممكن تخدم الموقع للأهداف التالية:
         1. تزويدك بخدمات وتحسين الموقع و/أو الخدمات؛
         2. تشغيل الموقع السليم؛
         3. تحليل وإدارة الموقع بشكل سليم؛
         4. تحسين خدمة الزبائن تبعت الموقع؛
         5. للاتصال أو تزويدك بمعطيات بتخص الموقع أو الخدمة؛
         6. عشان نزودك بالمعلومات اللي طلبتها أو معلومات إضافية اللي بالموقع بآمنوا إنها ممكن تهمك، من وقت لوقت؛
         7. عشان نلائم دعايات ومعلومات تجارية حسب تفضيلاتك الشخصية؛
         8. عشان نتواصل معك عن طريق ممثلي الشركة بخصوص الخدمات اللي الشركة بتقدمها؛
         9. عشان نعمل استطلاعات زبائن و/أو أبحاث تسويق اللي الشركة بتعملها من وقت لوقت.
      3. الشركة و/أو أي حدا من طرفها ما رح يكشفوا و/أو يبيعوا أي معلومات تجمّعت بالموقع لأي طرف ثالث، وهاد باستثناء لحدا من طرفهم اللي بزودوه بالمعلومات المتجمعة بالموقع بس لهدف تقديم خدمة وتكميل عملية شراء صارت بالموقع، واللي كمان هما ملتزمين بحماية كاملة لسرية المعلومات المتجمعة بالموقع.
      4. مع هيك، الموقع و/أو أي حدا من طرفه مسموح لهم ينقلوا معلومات تجمّعت بالموقع لأطراف ثالثة (ما عدا معلومات حساسة زي تفاصيل الاعتماد، أرقام هويات وما شابه) بكل وحدة من الحالات التالية:
         1. انعطت موافقتك مسبقاً وكتابياً؛
         2. الموقع و/أو أي حدا من طرفه مطالبين حسب القانون ينقلوا المعلومات المذكورة، مثلاً، بموجب أمر محكمة؛
         3. عشان نحمي الحقوق القانونية والملكية للموقع و/أو أي حدا من طرفه بكل ما يخص هاد الموقع؛
         4. بحالة خلاف قانوني بينك وبين الموقع اللي بلزم كشف التفاصيل؛
         5. إذا خالفت تَقْنُون الموقع أو إذا عملت عن طريق الموقع، أو بأي علاقة مع الموقع، حركات بتعارض أو بتبيّن كأنها بتعارض القانون، أو أي محاولة لعمل حركات هيك؛
         6. بأي حالة الموقع بفكر، إنه تسليم المعلومات المتجمعة ضروري عشان يمنع ضرر خطير لجسم المستخدم أو لممتلكاته أو لجسم أو ممتلكات طرف ثالث؛
         7. مشاركة شبكات اجتماعية زي فيسبوك، انستغرام وغيرها ومعلنين إضافيين بالشبكة زي جوجل، طابولا وغيرها؛
         8. وكمان، ممكن الموقع ينقل لأطراف ثالثة معلومات إحصائية عامة بس، اللي مش شخصية أو خاصة، بخصوص استعمال الموقع، زي العدد الكلي للزوار بهذا الموقع وبكل صفحة بالموقع واسماء الدومين لمزودي خدمة الإنترنت للزوار بالموقع؛
         9. إذا الموقع اندمج داخل نشاط جسم آخر أو إذا الموقع انتقل لملكية شركة ثانية ممكن نقل المعلومات الموجودة بالموقع للشركة الجديدة، بس بالحالة اللي الشركة بتتعهد تحافظ على سياسة الخصوصية هاي.
      5. مهم نتذكر إنه ما بنفع نضمن مية بالمية من نشاط عدائي ومصمم من جهات غريبة وعشان هيك ما في بهالحركات أمان مطلق والشركة ما بتتعهد إنه الخدمات بالموقع رح تكون محصنة بشكل مطلق من وصول غير مصرح للمعلومات المتجمعة فيه.
      6. الحق بطلب الوصول للمعلومات المتجمعة عنك بالموقع أو الحق بالنسيان: لكل متصفح عنده الحق يطلب من الشركة يحصل على وصول للمعلومات المتجمعة عنه من قبل الشركة أو الحق يطلب حذف المعلومات المتجمعة عنه من قبل الشركة. إذا بدك تطلب توصل أو تطلب حذف المعلومات المذكورة، رجاءً تواصل معنا عن طريق تفاصيل الاتصال بأسفل التَّقْنُون.

• نشاط ممنوع بالموقع:

1. 1. 1. مش مسموح لك تستعمل الموقع إلا للأهداف اللي انعمل عشانها. الاستعمال بالموقع مسموح لأهداف خصوصية وشخصية بس وممنوع استعماله لأهداف تجارية إلا إذا الموقع وافق عليها بشكل محدد.
      2. كمستخدم بالموقع، إنت بتوافق إنك ما:
         1. تسحب معطيات أو محتوى ثاني من الموقع عشان تعمل أو تركّب مجموعة، قاعدة بيانات أو دليل بدون موافقة مسبقة وكتابية من الموقع؛
         2. تستعمل تصاميم الموقع بأي شكل؛
         3. تعمل استعمال مش مرخّص بالموقع، بما في ذلك تجميع عناوين إيميل وما شابه بوسائل إلكترونية أو غيرها عشان تبعث إيميلات بوسائل أوتوماتيكية؛
         4. تلتف، تعطّل أو تشوّش بأي طريقة ثانية على أمان الموقع، بما في ذلك استعمال تطبيقات بتمنع أو بتحد من الاستعمال أو النسخ لأي محتوى؛
         5. تحتال أو تغش الشركة و/أو مستخدمي الموقع؛
         6. تستعمل خدمات الدعم تبعت الموقع بشكل غلط أو تقدم تقارير كاذبة بخصوص استعمال الموقع؛
         7. تعمل استعمال أوتوماتيكي بالنظام، مثل استعمال "سكربتات" لإرسال ملاحظات أو رسائل، أو استعمال "تنقيب بيانات" (Data Mining)، روبوتات أو أدوات تجميع وسحب بيانات مشابهة؛
         8. تحاول تنتحل شخصية حدا ثاني و/أو تنقل تفاصيل الدخول للموقع لحدا ثاني؛
         9. تستعمل المعلومات اللي أخذتها من الموقع عشان تضايق، تنكّل أو تضر بحدا ثاني؛
         10. تستعمل الموقع كجزء من أي محاولة للمنافسة بالموقع؛
         11. تسترجع، تفك شيفرة أو تعمل هندسة عكسية لجزء من الموقع، ميزة بالموقع أو تطبيق بالموقع؛
         12. تضايق، تخوّف أو تهدد أي حدا من موظفي أو وكلاء الموقع و/أو الشركة؛
         13. تمحي حقوق النشر أو ملاحظة الحقوق الملكية من أي محتوى أو علامة؛
         14. تنسخ أو تلائم كود الموقع أو جزء منه، بما في ذلك بس مش للحصر HTML, Java Script, PHP, CSS, JSON أو كود ثاني؛
         15. ترفع أو تنقل (أو تحاول ترفع أو تنقل) فيروسات، أحصنة طروادة، أو مادة ثانية، بما في ذلك استعمال البريد المزعج (Spam)، اللي بعطل استعمال الموقع؛
         16. تعمل حركة بتضر أو بتأذي الموقع، حسب رأي الشركة؛
         17. تستعمل الموقع بشكل ما بيمشي مع القانون، الأنظمة والأحكام القضائية.
      3. بدون ما ننقص من أي حق ثاني، كل استعمال للموقع مع مخالفة اللي انكتب فوق ممكن يسبب، بين أشياء ثانية، لإنهاء أو تعليق حقوقك باستعمال الموقع.

• محتوى أطراف ثالثة:

1. 1. 1. الشركة مسموح لها تنشر بالموقع روابط لمواقع ثانية ("مواقع طرف ثالث") وكمان بمقالات، صور، نصوص، جرافيكا، تصاميم، موسيقى، صوت، فيديو، معلومات، تطبيقات، برامج ومحتويات أو أغراض ثانية بتخص أو أصلها من مواقع طرف ثالث ("محتوى طرف ثالث"). مواقع طرف ثالث ومحتوى طرف ثالث ما بنعمل عليها بحث، مراقبة، أو فحص من قبل الشركة والشركة مش مسؤولة عن محتوى طرف ثالث اللي انتشر عن طريق الموقع، اللي وصلت له عن طريق الموقع، المتاح عن طريق الموقع أو مثبت فيه، بما في ذلك المحتوى، الآراء، المصداقية، إجراءات الخصوصية أو سياسة ثانية تابعة أو مشمولة بمواقع طرف ثالث أو بمحتوى طرف ثالث. استعمال رابط أو السماح باستعمال أو تثبيت مواقع طرف ثالث أو أي محتوى طرف ثالث ما بيلمّح لموافقة أو تصديق على هيك من طرفنا، والمسؤولية ع الدخول لهالرابط هي ع المتصفح لحاله، وعليه يفحصه قبل الدخول إلُه.
      2. الشركة ما بتوخذ مسؤولية عن أي شِرا بتعمله من مواقع طرف ثالث أو من شركات ثانية اللي رح تتنفذ وتكون سارية المفعول بشكل حصري بينك وبين الطرف الثالث اللي الو علاقة بالموضوع.

• إدارة الموقع:

1. 1. 1. إحنا بنحفظ لحالنا الحق: (1) نراقب مخالفات هاد التَّقْنُون؛ (2) نوخذ إجراءات قانونية ضد أي حدا بخالف تعليمات القانون أو تعليمات هاد التَّقْنُون، حسب رأي الشركة الخاص، بما في ذلك، بدون تحديد، التبليغ عن المستخدم لسلطات تطبيق القانون؛ (3) نرفض، نحد من الوصول، نحد من التوفر، أو نعطّل (قد ما بنفع من ناحية تكنولوجية) أي مساهمة إلك بالموقع أو أي جزء منها، حسب رأي الشركة الخاص وبدون تحديد؛ وكمان (4) ندير الموقع بشكل يحمي حقوقه وممتلكاته ويسهّل شغله السليم.
   2. تغييرات بالموقع، أعطال ووقوف الخدمة:
      1. بدون ما ننقص من اللي انكتب فوق، الشركة بتقدر تغير من وقت لوقت مبنى الموقع، و/أو شكل و/أو تصميم الموقع، حجم وتوفر الخدمات بالموقع، ومسموح لها تجبي دفع (مصاري) مقابل محتويات وخدمات هيك أو غيرها حسب قرارها. وكمان، الشركة مسموح لها تغير أي جانب ثاني بخص الموقع وكله، بدون حاجة لإعلام مسبق عن هالشي.
      2. تغييرات زي هيك رح تصير، بين أشياء ثانية، مع أخذ الطبع الديناميكي لشبكة الإنترنت والتغييرات التكنولوجية وغيرها اللي بتصير فيها بعين الاعتبار. بطبيعتها، تغييرات من هالنوع ممكن يكون معها أعطال و/أو تسبب بالبداية عدم راحة وما شابه. ما رح يكون للمتصفحين بالموقع أي ادعاء، دعوى و/أو طلب تجاه الشركة بسبب عمل تغييرات زي هيك و/أو أعطال رح تصير خلال عملها.
      3. الشركة ما بتتعهد إنه خدمات الموقع ما تتشوش، أو تتقدم بنظام أو بدون وقفات، أو تكون بأمان وبدون أخطاء وتكون محصنة من وصول غير مصرح لحواسيب الموقع أو من أضرار، خراب، أعطال أو فشل – وكله، بالأجهزة (Hardware)، بالبرامج (Software)، بالخطوط وبأنظمة الاتصال عند الموقع أو عند أي حدا من مزوديه.
   3. ملكية فكرية:
      1. كل حقوق النشر والملكية الفكرية بالموقع، بما في ذلك، التصاميم، الصور، الصوت، الفيديو، النص، قواعد البيانات، البرامج، الكود ("المحتوى") وكمان الشعارات، العلامات التجارية وما شابه ("العلامات") هي بملكية الشركة بس، أو بملكية طرف ثالث، اللي سمح للشركة أو أعطى رخصة للشركة تستعمل حسب القانون المحتويات أو العلامات وبما في ذلك شركاء الشركة التجاريين.
      2. المحتوى والعلامات بتتقدم زي ما هي (AS IS) لاستعمال شخصي بس. إلا إذا انذكر بشكل واضح غير هيك، ممنوع نسخ، توزيع، عرض علني، تنفيذ علني، نقل للجمهور، تغيير، تعديل، عمل أعمال مشتقة، بيع أو تأجير أي جزء من اللي انذكر، سواء بشكل مباشر أو عن طريق أو بمشاركة طرف ثالث، بأي طريقة أو وسيلة سواء إلكترونية، ميكانيكية، بصرية، وسائل تصوير أو تسجيل، أو بأي وسيلة وطريقة ثانية، بدون أخذ موافقة خطية ومسبقة من الشركة أو من أصحاب الحقوق الثانيين، حسب الأمر، وخاضع لشروط الموافقة (إذا انعطت). التعليمات هاي سارية المفعول كمان بالنسبة لكل تعديل، تحرير أو ترجمة انعملت من قبل الموقع لمحتويات تدخّلت أو تسلّمت من قبل المتصفحين للموقع.
      3. إذا وقد ما انعطت موافقة زي ما انذكر، لازم الامتناع عن إزالة، محو أو تشويش أي ملاحظة أو علامة بخصوص حقوق الملكية الفكرية، مثلاً: علامة حقوق النشر ©، أو علامة تجارية ®، المرافقة للمحتويات اللي رح يتم استعمالها.

• مخالفة حقوق النشر:

1. 1. 1. الشركة بتحترم حقوق الملكية للغير. إذا إنت بتآمن إنه معلومات أو محتوى بالموقع بخالف حقوق ملكية تابعة إلك، الرجاء التواصل معنا عن طريق تفاصيل الاتصال بأسفل هاد التَّقْنُون.

• دقة/ تصليحات تقنية وغيرها:

1. 1. 1. الموقع كله، بما فيه كل المعلومات اللي بتظهر فيه، معروض للجمهور زي ما هو، ورح يكون دقيق وصحيح قد ما ممكن، بس، ممكن تكون المعلومات مش كاملة أو بالمقابل، ممكن يكون صار غلطات تقنية أو غيرها بالمعلومات. الشركة بتحفظ لحالها الحق تصلّح أغلاط و/أو أخطاء و/أو عدم دقة زي ما انذكر وتحدّث المعلومات بالموقع بأي وقت وبدون إعلام مسبق.
   2. صلاحية القضاء:
      1. على هاد التَّقْنُون بتنطبق بس قوانين دولة إسرائيل، بس ما رح يكون سريان لقواعد اختيار القانون الدولي المحددة فيها.
      2. لمحاكم منطقة حيفا رح يكون صلاحية قضاء حصرية بكل موضوع نابع و/أو بيتعلق بالتَّقْنُون و/أو بخلافات قانونية بتنكشف بينك وبين الشركة.

• تعويض:

1. 1. 1. على المتصفح تعويض الشركة، موظفيها، مدراءها، شركاءها التجاريين أو أي حدا من طرفهم عن كل ضرر، خسارة، ضياع ربح، دفع أو مصاريف بتصير لهم – وبما في ذلك أتعاب محامي ومصاريف محكمة نتيجة مخالفة التَّقْنُون.

• إنهاء:

1. 1. 1. شروط هاد التَّقْنُون بتضل سارية المفعول وقت استعمال الموقع. بدون ما ننقص من أي تعليمات ثانية بهاد التَّقْنُون، الشركة بتحفظ لحالها الحق تمنع من أي متصفح استعمال الموقع (بما في ذلك حجب عناوين IP معينة)، لأي سبب أو تعليل كان (بدون ما تضطر تعطي سبب أو تعليل)، حسب رأيها الخاص، بدون حاجة لإعلام مسبق أو تنبيه وبدون ما تكون مسؤولة عن أي ضرر نتيجة قرارها. وكمان، الشركة مسموح لها توقّف استعمالك للموقع وكل محتوى أو معلومات نشرتها بأي وقت، بدون تحذير مسبق.

• متفرقات:

1. 1. شروط هاد التَّقْنُون بتشكّل كل التفاهمات والاتفاقات بخصوص استعمال الموقع. عدم تنفيذ أو تطبيق حق أو تعليمات بهاد التَّقْنُون، ما بنحسب تنازل من طرف الشركة عن تنفيذ الحق أو تطبيق التعليمات. الشركة مسموح لها تحوّل لغيرها كل أو جزء من حقوقها و/أو واجباتها بهاد التَّقْنُون.
2. تواصلوا معنا:
   1. الشركة بتحرص على تطبيق تعليمات القانون وبتحترم حق مستخدمي الموقع وغيرهم بالخصوصية والسمعة الطيبة. إذا إنت بتعتقد إنه انتشر بالموقع محتوى بضرك لأي سبب، الرجاء التوجه إلنا حسب التفاصيل اللي تحت وإحنا رح نحاول نعالج توجهك بأقرب وقت. توجهات زي هيك ممكن نقلها بالوسائل التالية:

العنوان: بنحاس وأفراهام روتنبرغ 2، حيفا؛

تلفون: 3002301-04؛

إيميل: Info@haifa-stadium.co.il

 

كل الحقوق بهاد التَّقْنُون محفوظة لـ دانييل بحري محامون وممنوع نسخ، تصوير أو توزيع إياه.

تحديث أخير: أكتوبر 2024